«Жігерлі жас – ел тірегі»
Мектебімізде "Барыс"бірлестігінің жетекшісі Ғ.Әлішовтың ұйымдастыруымен оқушылардың спортқа деген қызығушылығын арттыру, салауатты өмір салтын насихаттау және ұйымшылдыққа тәрбиелеу мақсатында «Жігерлі жас – ел тірегі» тақырыбында «Толағай» спорттық сайысы өткізілді.
Сайыс барысында қатысушылар ептілік пен шапшаңдықтарын, күш-жігері мен тапқырлықтарын көрсетіп, өзара тартысты әрі қызықты кезеңдерде белсенділік танытты. Әр команда жеңіске деген жігерімен ерекшеленіп, көрермендерге көтеріңкі көңіл-күй сыйлады.
Осындай спорттық шаралар жас ұрпақты батылдыққа, төзімділікке, бірлік пен ынтымаққа баулып, олардың бойында отансүйгіштік қасиеттерді қалыптастырады.
Жарысқа қатысқан барлық оқушыларға алғыс білдіреміз!
Жеңімпаздарды құттықтаймыз!
Салауатты ұрпақ – жарқын болашақ кепілі!
