ЖАЗҒЫ ДЕМАЛЫС КЕЗІНДЕГІ ҚАУІПСІЗДІК ЕРЕЖЕЛЕРІ ТҮСІНДІРІЛДІ...
Отырар ауданының білім бөліміне қарасты Жамбыл атындағы мектеп-лицейінде “Адал азамат” біртұтас тәрбие бағдарламасы аясында 2026 жылдың 18 мамыр күні 1–11-сынып оқушыларымен қауіпсіздік сабақтары өткізілді.
Тақырыбы: “Жазғы демалыс кезіндегі қауіпсіздік ережелері”
Мақсаты: оқушыларға жазғы демалыс кезінде кездесетін түрлі қауіп-қатерлер туралы түсіндіру, олардың өмір қауіпсіздігін сақтауға баулу және қауіпсіздік мәдениетін қалыптастыру.
Іс-шара барысында оқушыларға:
судағы қауіпсіздік;
жол қозғалысы ережелері;
күннің ыстығынан, өрттен және электр құралдарынан сақтану жолдары;
табиғат аясындағы қауіпсіздік ережелері туралы жан-жақты түсіндірме жұмыстары жүргізілді.
Сынып жетекшілері жазғы демалыстың балалар үшін ең қуанышты әрі асыға күтетін кезең екенін атап өтіп, осы уақытта қауіпсіздік ережелерін сақтау аса маңызды екенін ескертті.
ЖАЗҒЫ ҚАУІПСІЗДІК ЕРЕЖЕЛЕРІ:
Суда:
* Тек құтқарушылары бар арнайы жағажайларда шомылу;
* Үлкендердің қарауынсыз суға түспеу;
* Терең су мен қатты ағысқа жақындамау.
Күн астында:
- Сағат 11:00–17:00 аралығында күн астында ұзақ жүрмеу;
* Міндетті түрде бас киім кию;
* Көбірек таза су ішу.
Жолда:
* Велосипед немесе самокатпен жолдан өтпеу;
* Жолды тек жаяу жүріп өту;
* Жолда құлаққап тақпау және телефонға алаңдамау.
Үйде:
* Терезе торына сүйенбеу;
* Терезеге арнайы қауіпсіздік құлпын орнату;
* Электр құралдарын үлкендердің бақылауынсыз қолданбау.
Табиғат аясында:
* Белгісіз жидектер мен өсімдіктерді жемеу;
* Кенеден сақтану;
* Орманда от жаққан жағдайда толық сөндіріп кету.
Балалардың қауіпсіздігі – баршамыздың ортақ міндетіміз. Сондықтан әрбір ата-ана мен ұстаз балаға қауіпсіздік ережелерін үнемі ескертіп, олардың амандығына жауапкершілікпен қарауы қажет.
