Жамбыл атындағы мектеп-лицейінде 2025 жылдың 22 сәуір күні «Әбіш оқулары» байқауының аудандық кезеңі өтті.
«Әбіш оқулары» байқауының басты мақсаты - мектеп оқушылары арасында Әбіш Кекілбаевтің шығармаларын насихаттау, олардың шығармашылық қабілеттерін, эстетикалық талғамдарын, сөз мәдениетін дамыту, жазушының рухани мұрасына деген сүйіспеншілікке тәрбиелеу, тарихи танымдарын, ізгілікке және азаматтыққа бағдарланған дүниетанымдары мен сана-сезімдерін, өмірлік ұстанымдарын қалыптасыру болып табылады.
Аудандық «Әбіш оқулары» байқауы 4 бағыт бойынша өтті:
«Ә.Кекілбаев шығармалары бойынша иллюстрациялық суреттер салу» бағыты;
«Ә.Кекілбаевтің прозалық және поэзиялық шығармаларын мәнерлеп оқу» бағыты;
«Шығармашылық жұмыс бағыты. Ә.Кекілбаевтың шығармалары бойынша зерттеу жоба байқауы» бағыты;
«Ә.Кекілбаевтің шығармалары бойынша сахналық қойылым қою» бағыты;
Аталмыш байқаудың қорытындысы бойынша: Мектеп-лицейімізден қатысқан 4 оқушымызда жүлделі ІІ орындар алды. 9 "Б" сынып оқушысы Манап Дінмұхаммед, 9 "Ә"сынып оқушысы Омарханқызы Әйгерім, 10 "Б" сынып оқушысы Жұматай Арай,Сахналық қойылымды жасаған 10 "Б" сынып оқушылары белсенділік танытып,мерейлері үстем болды.
Білім алушыларымызды жетістіктерімен шын жүректен құттықтаймыз!
