Олимпиада жеңімпазын марапаттау
Отырар ауданы білім бөліміне қарасты Жамбыл атындағы мектеп-лицейінде ауыл олимпиадасының республикалық кезеңінің ІІІ орын жеңімпазы 10 сынып оқушысы Бердібаев Елнұр Дәрібайұлын марапаттау үшін мектебімізде мерекелік кездесу кеші болып өтті. Мерекелік іс-шараға аудандық білім бөлімінің әдістемелік кабинет меңгерушісі Д.Ембай мен аудандық кәсіподақ ұйымының төрағасы Е.Қасым және мектеп-лицей ұжымы мен Елнұрдың ата-анасы,мектеп оқушылары қатысты.Мектеп-лицей директоры Қадиша Әуесқызы ұжым атынан Елнұр мен пән мұғалімі Сапарбаева Ақманат Нұралықызына ақшалай сыйлық сертификатын табыстады.Іс-шараға қатысқан қонақтар құттықтау тілектерін арнады.
