“Ұлттық спорт – ұлт рухы!”
Отырар ауданы білім бөліміне қарасты Жамбыл атындағы мектеп-лицейінде 2024-2025 оқу жылының 20-наурызы күні “Наурызнама” бағдарламасы аясында “Ұлттық спортты ұлықтау” атты “Ұлы дала ойындары” спорттық іс-шарасы өтті.
Іс-шараның негізгі мақсаты – оқушылар арасында ұлттық спорт түрлерін насихаттау, оларды қазақтың бай мұрасымен таныстыру және салауатты өмір салтын ұстануға шақыру.
Спорттық шараға дене шынықтыру пәні мұғалімдері , сондай-ақ ДТІЖО М.Ахметов қатысып, оқушылар арасында тоғызқұмалақ, арқан тарту, асық ату сияқты ұлттық ойындардан сайыстар ұйымдастырылды.
Жарыстың ерекше сәттері 
Тоғызқұмалақ – логикалық ойлау мен стратегиялық қабілетті дамытуға бағытталды.
Арқан тарту – оқушылардың бірлік пен командалық рухын нығайтты.
Асық ату – ептілік пен көзмергендікті сынады.
Барлық қатысушылар белсенділік танытып, ұлттық ойындардың қыр-сырын меңгеруге тырысты. Жарыс соңында үздік ойыншылар арнайы марапаттарға ие болды.
Осындай шаралар ұлттық дәстүрді жандандырып, оқушылардың қазақ мәдениетіне деген қызығушылығын арттырары сөзсіз! 
