ҰЛТТЫҚ КІТАП КҮНІ АЯСЫНДА ҮЗДІКТЕР АНЫҚТАЛДЫ
23 сәуір – Ұлттық кітап күні мен Кітапханашылар күніне орай Жамбыл атындағы мектеп-лицейінде «Үздіктер күні» атты мерекелік іс-шара өтті. Жиынға мектеп-лицей ұстаздары мен , мектеп кітапханасының тұрақты оқырмандары оқушыларымыз қатысты.
Шара аясында «Кітаппен нұрлы жолымыз, оқуға құштар болыңыз» тақырыбында кітап көрмесі ұйымдастырылып, кітап апталығы барысында атқарылған жұмыстарды қамтыған бейнеролик көпшілік назарына ұсынылды. Бұл өз кезегінде кітаптың қоғамдағы маңызын айқындап, оқырман мәдениетін қалыптастырудағы рөлін көрсетті.
Аталған мерекенің басты мақсаты – кітап оқуды насихаттау, жас ұрпақтың рухани дамуына ықпал ету және ұлттық әдебиетке деген қызығушылықты арттыру болды.
Іс-шара барысында түрлі байқаулар, көрмелер, әдеби кештер ұйымдастырылып, қатысушылар өздерінің шығармашылық қабілеттерін көрсете білді. Әсіресе, кітап оқу мәдениетін дәріптеуге бағытталған байқаулар көпшіліктің көңілінен шықты.
Мерекенің қорытынды кезеңінде «Ұлттық кітап күні» байқауының жеңімпаздары анықталып, арнайы дипломдармен марапатталды. Жеңімпаздарға алғыс білдіріліп, олардың алдағы уақытта да білім мен шығармашылық жолында биік жетістіктерге жететініне сенім білдірілді.
Осындай тағылымды іс-шаралар қоғамда кітапқа деген сүйіспеншілікті арттырып, рухани құндылықтарды нығайта түседі.
