Тарих және қоғамдық пәндер "Шежіре"әдістемелік бірлестігінің "Қазақ елінің бостандық жолы:тарих және тұлғалар" атты айлығының ашылуы
Жамбыл атындағы мектеп-лицейінде "Қазақ елінің бостандық жолы:тарих және тұлғалар" атты тарих және қоғамдық пәндер бірлестігі айлығының ашылу салтанаты өтті. Айлық 03-24 желтоқсан күндері аралығында өтеді.
Айлықтың мақсаты:
Оқушылардың Қазақстан тарихы мен қоғамдық пәндерге қатысты білімдерін кеңейту.
Ұлттық құндылықтарды дәріптеу және тарихи оқиғалардан сабақ алу.
Артефакттар ,құжаттар арқылы тарихи кезеңдерді көрнекі түрде көрсету.
Ашылу салтанатында викториналық сұрақтар қойылып, үздік жауап берген оқушыларға кішігірім сыйлар табысталды.
Сонымен қатар, айлық аясында тарихи оқиғаларға арналған пікірталастар, қоғамдық пәндерге зерттеулер және патриоттық тәрбиеге бағытталған ашық сабақтар өткізіледі. Бұл шаралар оқушылардың тарихи және қоғамдық пәндерге байланысты білімдерін тереңдетуге бағытталған.
