«ҚАРЖЫЛЫҚ АЛАЯҚТЫҚ ЖӘНЕ ЛУДОМАНИЯ» ТАҚЫРЫБЫНДА ЖИНАЛЫС ӨТТІ
Түркістан облысы,Отырар ауданы білім бөліміне қарасты Жамбыл атындағы мектеп-лицейінде «Заң мен тәртіп» тақырыбы аясында «Қаржылық алаяқтық және лудомания» тақырыбында жиналыс өткізілді.
Іс-шараның негізгі мақсаты – мұғалімдер мен кіші қызметкерлердің құқықтық сауаттылығын арттыру, қаржылық қауіпсіздік мәдениетін қалыптастыру және қоғамда жиі кездесетін алаяқтық түрлерінің алдын алу болып табылады.
Мектеп-лицей директоры Қадиша Әуесқызы мұғалімдер мен кіші қызметкерлерге заманауи қоғамда белең алып келе жатқан лудомания мәселесі мен оның адам өміріне тигізер зияны туралы жан-жақты түсіндірме берді. Сонымен қатар, қаржылық алаяқтықтың түрлі әдістері, интернет пен әлеуметтік желілер арқылы жасалатын алаяқтық түрлері, сонымен күресу жолдары мен сақтық шаралары жөнінде пайдалы мәліметтермен бөлісті.
Жиналыс барысында өмірлік мысалдар арқылы қаржылық сауаттылықтың маңыздылығын түсіндіріп, әрбір ұжым мүшелері өз құқықтары мен міндеттерін білуі — қоғамдағы тәртіп пен қауіпсіздіктің кепілі екенін атап өтті.
