Отырар аудандық полиция бөлімінің қоғамдық қауіпсіздік бөлімшесіне қарасты отбасылық-тұрмыстық зорлық-зомбылыққа қарсы күрес тобының инспекторларының қатысуымен Жамбыл атындағы мектеп-лицей мұғалімдері мен қызметкерлеріне арналған маңызды топтық семинар өткізілді.
Аталған іс-шара Отырар АПБ-нің 2026 жылғы II тоқсанға арналған жедел-профилактикалық іс-шаралар жоспарына сәйкес ұйымдастырылып, «Балаларды отбасылық-тұрмыстық зорлық-зомбылықтан қорғайық» тақырыбын қамтыды.
Семинар барысында тұрмыстық зорлық-зомбылықтың алдын алу, балалардың құқықтарын қорғау, қиын жағдайдағы отбасылармен жұмыс жүргізу, сондай-ақ құқықтық сауаттылықты арттыру мәселелері кеңінен талқыланды. Қатысушылар тарапынан сұрақтар қойылып, өзекті тақырыптар бойынша пікір алмасу өтті.
Балалардың қауіпсіздігі – қоғамның басты құндылығы. Сондықтан мұндай іс-шаралардың маңызы зор.
