"Ана туралы жыр" әнін 100 ер бала ұстаздарымен бірге шырқады.
90 жылдық тарихы бар ауданымыздағы қара шаңырақ білім ордасы -Жамбыл атындағы мектеп-лицейінің шәкірттері мен ұстаздары 8-наурыз Аналар мерекесінде осындай тосын сыймен қуантты.
Ардақты аналар, аяулы арулар!
Сіздерді көктемнің ең әдемі, ең жарқын мерекесі – 8 наурыз Халықаралық әйелдер күнімен шын жүректен құттықтаймыз!
Сіздер – өмірдің мәні мен сәні, тіршіліктің тірегі, сүйіспеншілік пен мейірімнің шуағысыздар.
Сіздердің күлімдеген жүздеріңіз, жүректеріңізден төгілген жылулық әлемді көркейтіп, әр шаңыраққа қуаныш сыйлайды.
Әр күніңіз қуаныш пен шаттыққа толы болсын! Дендеріңіз сау, көңілдеріңіз шат, бастарыңыз аман болсын! Жанұяларыңыз берекеге, жүректеріңіз махаббат пен жылылыққа толсын!
