Жалпы мектептік сейсмикалық және эвакуациялық жаттығу өткізілді.
2026 жылғы 04 наурыз күні Жамбыл атындағы мектеп-лицейінде жалпы мектептік сейсмикалық, объектілік және жер сілкінісі жағдайындағы эвакуациялық жаттығуларға даярлық жұмыстары өткізілді.
Тақырыбы:
Жер сілкінісі жағдайындағы эвакуациялық жаттығулар, объектілік жаттығу және жер сілкінісі кезінде оқытушылар құрамы мен оқушылардың іс-қимылдары.
Оқыту мақсаты:
Оқу орнының жер сілкінісі және өрт жағдайындағы эвакуациялық жаттығулар кезіндегі қорғау іс-шараларын орындауға дайындығын тексеру;
Басшы және оқытушы құрамның төтенше жағдай кезіндегі әрекет ету дағдыларын жетілдіру;
Құтқару жұмыстарын ұйымдастыру және жүргізу бойынша практикалық тәсілдерді меңгеру;
Құлақтандыру, жинау, жабдықтау және әзірлік жағдайында болу дағдыларын қалыптастыру;
Оқушыларға жер сілкінісі мен өрт жағдайындағы дұрыс іс-қимыл және қауіпсіз жүріп-тұру мәдениетін үйрету.
Өткізілген уақыты: Үлкен үзіліс кезінде
Өткізілген орны: Оқу сыныптары және мектеп ғимаратының аумағы
Қатысушылар: Мектептің басшы құрамы, оқытушылар және оқушылар
Жаттығу барысында жер сілкінісі және өрт жағдайында сынып ішінде және мектеп ғимаратында эвакуациялау тәртібі пысықталды. Қатысушылар төтенше жағдай кезіндегі іс-әрекеттер алгоритмін тәжірибе жүзінде орындап, қауіпсіздік талаптарын сақтаудың маңыздылығын көрсетті.
Мектебімізде оқушылардың қауіпсіздігі – басты назарда. Осындай жаттығулар арқылы төтенше жағдайлар кезінде дұрыс әрі жылдам әрекет ету дағдылары қалыптасады.
#ҚауіпсізМектеп #СейсмикалықЖаттығу #Эвакуация #ЖамбылМектепЛицейі
