Құрметті отандастар, әріптестер, ардақты ұстаздар қауымы!
Баршаңызды ұлт мерейін асқақтататын ұлық мереке – Қазақстан Республикасы Күнімен шын жүректен құттықтаймын!
Бұл күн – ата-бабамыздың асыл арманы орындалып, тәуелсіз ел болып, дербес мемлекет ретінде тарих сахнасына шыққан сәттің символы.
Егемен елдің ең басты күші – білімді де парасатты ұрпақ. Ал сол ұрпақты тәрбиелейтін сіздер – еліміздің болашағын қалыптастырып отырған қасиетті жандарсыздар.
Осы мәртебелі мереке күні баршаңызға мол қуат, мықты денсаулық, отбасыңызға шаттық пен бақ-береке тілеймін!
Еліміздің көк байрағы бейбіт аспанымызда мәңгі желбіреп,
Тәуелсіз Қазақстанымыздың даңқы жылдан жылға арта берсін!
Бірлігіміз бекем, рухымыз биік, болашағымыз жарқын болғай!
Ізгі тілекпен - «Жамбыл атындағы мектеп-лицей» коммуналдық мемлекеттік мекемесінің директоры-
Қылышбаева Қадиша Әуесқызы
