«Гендерлік зорлық-зомбылыққа қарсы 10 күн белсенді іс-әрекет» республикалық науқаны аясында іс-шара өтті!
28 қараша – 10 желтоқсан аралығында Жамбыл атындағы мектеп-лицейінде республикалық онкүндік өз деңгейінде жүргізіліп жатыр.
Соның ішінде «Бақытты отбасы балалар көзімен» тақырыбында педагог-психолог маманы Әбілдаева Балжан 7– сынып оқушылары арасында шығарма байқауын ұйымдастырды.
Байқау барысында оқушылар отбасы құндылықтары, ата-ана мейірімі, үйлесімді қарым-қатынас туралы өз ойларын шығармашылық түрде жеткізді.
Бұл жұмыс – оқушылардың адамгершілік қасиеттерін дамытуға, отбасы тақырыбына деген қызығушылығын арттыруға бағытталған маңызды іс-шара болды.
Науқан аясындағы барлық жоспарланған жұмыстар мектепте жүйелі түрде жалғасуда. 
