«Бірлігі жарасқан Қазақстан»
Мектебімізде «Бірлігі жарасқан Қазақстан» тақырыбында 6 "В" сыныбы мен сынып жетекшісі Өксікбаева Лаура апайдың ұйымдастыруымен тәрбиелік маңызы зор іс-шара ұйымдастырылып, жоғары деңгейде өтті. Шараның басты мақсаты – оқушылардың бойында отансүйгіштік қасиетті қалыптастыру, ел бірлігін, татулық пен достықты дәріптеу.
Іс-шара барысында оқушылар Қазақстан халқының бірлігі мен ынтымағын паш ететін өлеңдер оқып, әндер шырқап, көріністер қойды. Әр ұлттың мәдениеті мен салт-дәстүрі таныстырылып, көпұлтты еліміздің бейбіт өмірі насихатталды.
Осындай тағылымы мол шаралар жас ұрпақтың рухани дамуына ықпал етіп, елін, жерін сүюге тәрбиелейді.
Бірлік бар жерде – тірлік бар!
